14 للاعب فى القائمة الاولى لدمنهور للموسم الجديد والمقدم والحسينى خارج القائمة

2009/07/15
استقر الجهاز الفنى للفريق الاول بنادى العاب دمنهور على القائمة الاولية للفريق للموسم الجدد وضمت 14 للاعب بالاضافة لثلاثة للاعبين تحت السن ضمن الخمسة ناشئين حسب اللوائح الجديدة للاتحاد المصرى لكرة القدم وقد استبعد الجهاز الفنى كل من محمد المقدم ومحمود الحسينى بالاضافة للراحلين فى نهاية الموسم امثال عماد فريد حارس المرمى ومحمد صلاح ومحمد داود ومحمد سمير واحمد فكرى وحسين عبود وعمرو الحسينى وايمن كمال زكريا ورائد الجندى وضمت القائمة للموسم الجديد كل من
حاتم فرغلى - ياسر عبد المقصود- محمود الغرباوى - كرم الشرقاوى -محمد رضوان -عصام عنتر -السيد عبد العال- باسم الرجال- بسام السعيد -امير اسماعيل -احمد حسن -محمد كمال المونيا -اشرف خميس -احمد عبد العزيز بالاضافة الى ثلاثة للاعبين ينضم الى قائمة الخمسة ناشئين حسب لوائح اتحاد الكرة الجديدة وهم
حسام خليل - نور جدور - مصطفى الجندى
ومن المقرر ارسال القائمة الثانية التى تضم اللاعبين الجدد قبل اخر موعد لئرسال القوائم يوم 15-9 مما يتيح الفرصة للجهاز الفنى لاختيار اللاعبين الجدد بدقة قبل ارسال القائمة








amr_mero1
2009/07/15
اشكرك ياباشا على التغطيه الممتازة وبالتوفيق دائما لدمنهور
mazingerzm
2009/07/15
اشكرك ياباشا على التغطيه الممتازة وبالتوفيق دائما لدمنهور الله يكرمك يا عمور ويارب كل دة يجى بفائدة والفريق يصعد للدورى الممتاز
m_elhdeny
2009/07/15
دى قايمة اولية

بس ازاى يستبعد منها الحسينى والمقدم وهوة معنى كدة انو ممكن اللاعيبة دى تتقيد فى القايمة التانية
mazingerzm
2009/07/15
منور الصورة ياباشا دة صديقى وزميلنا فى المنتدى والرابطة صلاح اجوجو شكرا يا عمور على الردود
mazingerzm
2009/07/15
دى قايمة اولية

بس ازاى يستبعد منها الحسينى والمقدم وهوة معنى كدة انو ممكن اللاعيبة دى تتقيد فى القايمة التانية القائمة الاولية للاعيبة الى ستظل موجودة مع الفريق فى الموسم الجديد من اللاعبين القدامى والاستسناء الوحيد لعدم قيد للاعب من القائمة الاولى من اللاعبين القدامى وتسجيله فى القائمة الثانية فى حالة تجديد عقده زى وفيق فرج الى حيتسجل فى القائمة الثانية لتجديد عقده اعتبارا من الموسم المقبل والحسينى تقريبا سينضم لمياة البحيرة حسب ما علمناه من المقربين للاعب وبصراحة الحسينى والمقدم مع طريقة 4-4-2 لا يتناسب ادائم مع الطريقة دى لبطئ اللاعبان فى السرعة
m_elhdeny
2009/07/15
صبح ياصلاح صورتك مالية الشاشة


يااحمد على فكرة لو ملاقوش البديل المناسب حيقيدوا الحسينى فى القايمة التانية ولو مكنش ناوى يقيدة من الاول لية يقعدة الفترة دى كلها فى التدريبات كان يسيبو بقى يدور على اكل عيشة فى حتة تانية
mazingerzm
2009/07/15
صبح ياصلاح صورتك مالية الشاشة


يااحمد على فكرة لو ملاقوش البديل المناسب حيقيدوا الحسينى فى القايمة التانية ولو مكنش ناوى يقيدة من الاول لية يقعدة الفترة دى كلها فى التدريبات كان يسيبو بقى يدور على اكل عيشة فى حتة تانية فعلا مشكلة انك تقعد للاعب شهر ونصف تدريبات وتقله مع السلامة بس انت عارف ان الحسينى مينفعش فى طريقة اللعب الجديدة الى محتاجة سرعة وماتش المالية السنة الى فاتت مع الحسنى 4-4-2 شوارع هو ليبرو كويس وبيساند فى الهجوم بس مينفعش مساك فى الطريقة الجديدة
m_elhdeny
2009/07/15
يعنى يااحمد يعنى هوة رضا حيلعب الموسم كلو كدة!!!! ده تلاقية ماتشين تلاتة حيلعب بيها ويخسر ولاحاجة والجمهور حيشتمو وحيرجع للطريقة القديمة اللى محتاجة ليبرو ولو خسر بلاعيبة اللى هوة جايبها دى الجمهور حيطلع ...... اهله عشان جايب لاعيبة معفنة وممشى لاعيبة كويسة زى الحسينى
الأهلاوي دائما
2009/07/16
والله ربنا يستر علينا
والمقدم يا احمد هو كمان رايح الميه
ومصلحه ان الاتنين لاعيبه دول مشوا بلا مقدم بلا مؤخر
أجوجو
2009/07/16
صبح يا عم أحمد واحشني والله
بس يا راجل كده تستغل اني نجم مشهور و تصورني عشان معجبيني و عشاقي ييجوا الموقع هههههه
الأهلاوي دائما
2009/07/16
هههههههههههههههه
يا صلاح يا روميو
الأهلاوي دائما
2009/07/16
هههههههههههههههه
يا صلاح يا روميو
أجوجو
2009/07/16
صبح يا شريف انا عايزك تبين للناس الي متعرفنيش انا وضعي أزاي في دمنهور
مين اللي كسب في الدومنو
الأهلاوي دائما
2009/07/16
ههههههههههههههههههههه
انت ابو السيطره كلها يا ابو صلاح
انا خسرت يا عم
أجوجو
2009/07/16
ربنا يخليك يا ريس
بس كنت ماشي كويس بس الجمل هو الي بوظها
m_elhdeny
2009/07/16
الجمل حريف دمنو وانا كسبت فىالبلاى ستيشن كالعادة
mazingerzm
2009/07/16
يعنى يااحمد يعنى هوة رضا حيلعب الموسم كلو كدة!!!! ده تلاقية ماتشين تلاتة حيلعب بيها ويخسر ولاحاجة والجمهور حيشتمو وحيرجع للطريقة القديمة اللى محتاجة ليبرو ولو خسر بلاعيبة اللى هوة جايبها دى الجمهور حيطلع ...... اهله عشان جايب لاعيبة معفنة وممشى لاعيبة كويسة زى الحسينى بصراحة يا حدينى الحسينى كانت غلطاته يامة فى الدفاع وانت عارف الموسم الى فات وتسبب فى اهداف فى دمنهور باخطاء ساذجة بس هو من مميزاته انه بيكمل فى الهجوم كويس بس احنا محتاجين مدافع قوى فى الطريقة الجديدة وكمان مش عايزين نقارن الموسم الى فات مع ايمن منصور برضا عبد العال لان الاول كان بيطبق الطريقة بمدافعين لا يتناسبم مع 4-4-2 كرم بيزيد كثير فى الناحية اليمين والحسينى بيزيد كمان فى الوسط والهجوم ومعندهوش السرعة للارتداد للخلف والراجل لعب بالطريقة دى مع نبروه بالامكانيات البسيطة هناك يعنى دمنهور حتى افضل نسبيا فى الامكانيات من نبروه فريق نبروه نجح فى تنفيذ الخطة وعمل موسم طيب
mazingerzm
2009/07/16
والله ربنا يستر علينا
والمقدم يا احمد هو كمان رايح الميه
ومصلحه ان الاتنين لاعيبه دول مشوا بلا مقدم بلا مؤخر

المقدم مضى لمياة البحيرة ب80 الف فى الموسم وبصراحة انا ارتحت لما المقم مشى للاعيب بطيئ وبيحتفظ بالكرة كثير ويعطل الهجمة وتسبب فى اهداف وكوارس فى نصف الملعب والحسنى كمان غلطاته كثير رغم انه مدافع يجيد فى التكملة الهجومية بس بصراحة الاستغناء عنهم بيدل ان رضا عبد العال عينه كويسة وبيشوف اللاعيب الصح وربنا يكرم ويقدر يحقق طموحاتنا الموسم القادم باذن الله
mazingerzm
2009/07/16
صبح يا عم أحمد واحشني والله
بس يا راجل كده تستغل اني نجم مشهور و تصورني عشان معجبيني و عشاقي ييجوا الموقع هههههه صبح يا بوصلاح يا بيشكى العرب منور دكة البدلاء كلها فى الصورة وحشتنى انت كمان عايزين نشوفك فى التمارين
الأهلاوي دائما
2009/07/16
عايزين نمسك ابو صلاح مساعد لرضا عبدالعال