شاهد عياان من ستاد الخمسه الشهير ... فضيحه بجلاجل من لاعيبه دمنهور الغير أفاضل

2010/03/31

منتدى نادى العاب دمنهور

الأهلاوي دائما
24 تعليق
والله فضيحه وفضيحه بل فضيحه بكل المقاييس ان يرتدي هؤلاء اللاعبين فانله اكبر منهم واغلي منهم بمراحل هذه الفانله يتمني اي لاعب في الممتاز ب ان يرتديها فياتي هؤلاء اللاعبين بتلويث هذه الفانله العطره التي يعشقها كل بحراوي والله حرام اسميهم لاعبين لانها كلمه خساره فيهم بل هسميهم موظفين وكمان الموظفين احسن منهم بكثير وسوف اطلق عليهم الموظفين الكسالي
دمنهور منذ ان شجعتها لم ولن تهزم بهذه النتيجه الثقيله حتي الان في الدوري الممتاز مفيش نتيجه زي دي ولا الممتاز ب سموحه اول مره اشوفها بتفوز بالخمسه منكم لله يا لاعبينا يا كسالي
هؤلاء الكسالي فضحونا بل عرونا في هذه المباراه مباراه اشبه بالتقسيمه سموحه بتقسم علينا من اول دقيقه بل المفاجأه المدويه التي لايعلمها الجمهور الذي لم يذهب الي الاستاد ان المباراه كانت بين سموحه ومحمود الغرباوي حارس مرمي دمنهور ولولا هذا الحارس الجيد لانتهت المباراه 13-0 والله 13-0 مش بكذب الغرباوي انقذ انفرادات وعرضيات بالجمله ولم يظهر اي لاعب بنص بمستواه اكنهم بايعين المطش ولو المطش بايعينوا مكنش خلص 5

هؤلاء الكسالي لم يستطيعوا طوال المباراه مجاراه سموحه في اللعب وعدم القدره علي تنظيم حتي ولو هجمه واحده لاعبون مقصرون لا يستطيعون ان يتحملوا مسئوليه انعدمت الروح لديهم انعدم فلسفه الفوز لديهم الفتره الماضيه اثبتوا لي انها كانت حلاوه روح لجلب الانظار اليهم فقط ولكن هؤلاء الكسالي لسه بدري عليهم عشان يعرفوا يدخلوا في المنافسه بقياده رئيس عصابتهم مجدي فشخره

بسام المرسي لايعلم احد هل هو لغز ولا اللي حصل قبل كده كانت ضربه حظ واللاعيبه هي اللي في ايديها انها ترفعه وفي ايديها انها تخسفه سابع ارض منذ مباراه الماليه والاداء في النازل لا يوجد جمله تكتيكيه عشوائيه في الاداء خسروا بفضيحه من الماليه اللي بتنافس ع الهبوط ثم اداء هزيل امام الميه ثم فضيحه بجلاجل امام سموحه تشكيلته بقت غريبه واللاعبين يعترضوا عند خروجهم من الملعب اخرها اليوم عند تبديل تامر مانجا انه مش لاعب تاني ومش عايز يعبر خميس بركات وعند حصولنا علي ضربه جزاء وكانت النتيجه 2-0 ياتي وفيق فرج باخذ الكره عافيه علي الكسلاء صحابه ومش عايز يديها لحد يشوطها غيره الي ان اطاح بها خارج الملعب المنظمه بالكامل خطا من مجدي فشخره الي عامل غرف خلع الملابس

وماذنبنا نحن كل عام ما هو ذنب هذا الجمهور اللي لم يتكاسل مثل هؤلاء الكسالي انا عن نفسي مسبتش مباراه خارج دمنهور وكل مطش نقول هيتحسنوا الي ان القوا بنا في الهاويه وفضحونا وجرسونا وعرونا هؤلاء الكسالي اللي بطلب منهم انهم يمشوا ويتسرحوا لانهم لاعبين كسالي هدفهم فقط هو جمع المال والمطالبه بالحقوق الماليه وانا لو من مجدي فشخره هوقف المستحقات الماليه الي اخر الموسم

وفي النهايه بنبارك لسموحه اللي يستاهل الصعود وبنسال ما هو مصيرنا والي متي سوف نظل كل عام بهذه الطريقه وعلي نفس هذا المنوال ازاي محافظه بحجم محافظه البحيره مافيهاش دكر عارف يصرف ع النادي وعلي البلد الي متي سوف ياتي اعضاء ورؤساء يهبروا ويكنزوا من النادي ويخلعوا!!!!!!!!!!



حسبي الله ونعم الوكيل في كل فرد بيجي النادي ومش بيتقي الله في شغله
وحسبي الله ونعم الوكيل في كل لاعب قصر في العطاء لفانله دمنهور ومنه لله
الأهلاوي دائما
2010/03/31
والله يا حسام احنا دمنا اتحرق مش عارف نعملوا ايه مع اللاعيبه دي
RAMPAWY-BA7RAWY
2010/03/31
ههههههههه

بايعين الماتش اكيد
accountant_adel
2010/03/31
اللاعيبه دى ماتت بالنسبه لنا وياريت نشوف النادى دى محروق بجاز معفن باللى فيه من أول مجلس الإداره الى أصغر لاعب فى النادى
accountant_adel
2010/03/31
الله يحرق أعصابكم زى ما حرقتوا اعصابنا
accountant_adel
2010/03/31
رساله الى مجلس اداره نادى دمنهــــــــــــــــــــــــــــــور
غوروا بقى روحوا فى ستين داهيه تاخدكم وسيبوا النادى لناس محترمه تعرف تديره
abo nesma 10
2010/03/31
علي النعمه ياجدعان انا لو مسكت اي لعيب دلوقتي لمسكوا ضربه ومعرفه مقامه لان دي دمنهور مش اي نادي ولازم يعرفوا انا احنا جمهور بمعني كلمه جمهور واللي مش قد اللعب في الانديه الجماهريه ميجيش يلعب ويغور في ستين دهيه وبسلامه لكن اللي بيحصل دي اهانه وكل دمنهوري ميقبلهاش والمسؤل الاول هو مجدي فشخره ابن (....)بس من دلوقتي اللي مش قدها يمشي ياما يستحمل اللي حيصل لان احنا جمهور زوق في الكوره واحا مش ققل من اسكندريه واسماعيليه وبورسعيد احنا محافظه محتره وعيب بقي لحد كده
الأهلاوي دائما
2010/03/31
لاعيبه بيجحه ومش هاميمها حاجه جايين يازازوا لب في الاتوبيس
عقرب
2010/03/31
للاسف كان لازم الادارة تخطط من بدرى وتوجه اهتمامها لما يمكن ان يحقق النجاح للبلد 00يعنى دلوقت ضيعنا كرة اليد اللى كانت برغفين وحتة جبنة يصعدوا للممتاز بل ويعملوا نتائج خيالية ولكن تمرد اللاعبين وعدم جلب مدرب متوسط حتى وعدم وجود ادارى حازم فقدنا الجلد والسقط00الله يسامحكم للسنة ال22 على التوالى
اهلاوي دمنهوري
2010/03/31
علشان تعرفوهم رحو (ن)
m_elhdeny
2010/04/01
بتلويث هذه الفانله العطره
ههههههههههههههههههههههههههههههههههههههههههههههه
مش قادر والله امسك نفسى من الصحك كل مفتكر اللى حصل فى الماتش
ههههههههههههههههه
والله فضيحة

فاكر ياشريف
هاى بقولك انتة
عندك لحمة كتير وكرش بالقناطير
ههههههههههههههههههههههههههههههههههههههههههه
كانت على مين
amr_mero1
2010/04/01
طول ما الادارة دى موجودة دمنهور عمرها ما حتشوف النور كله بيدور على المظهرة الاجتماعيه
المفروض دمنهور تستعين بالناشئين وتسرح كل اللعيبه الى من برة النادى
mhahlawy
2010/04/01
تعالوا نناقش الموضوع بعيدا عن العصبيه والغضب :
سموحه لديه اكبر حافذ لكسب المباراه من اجل الصعود و الفارق بينها وبين دمنهور 10 نقاط
لاعبي دمنهور ليس لديهم اي امل للصعود اذا هناك فارق في الطموح لصالح سموحه
زي ما قلنا قبل كده كتير الصعود لازم ليه خطه يتم تطبيقها في عدة سنوات و لازم الاداره تكون بتحب النادي مش بتحب الذات
اما موضوع ان اللاعبين تمت رشوتهم فانا لا اظن ذلك لان اللي يبيع ماتش عمرو ميشيل خمسه -خليكو اذكياء-عشان محدش ياخد بالو
انا شفت الماتش و مش كل اللاعيبه مقصرين فالغرباوي شال كتير والسيد عمل اللي عليه و عصام طلع شويه بس يا جماعه المشكله كبيره ولو حد كان خد فلوس يبقي الاول حارس المرمي عشان يفوت صح بس دا زي ما شوفنا محصلش وانا ليا اصدقاء كتير في نادي سموحه
وصدقوني هتصيبكوا الدهشه لو عرفتوا المكافأت قد ايه
كلمه اخيره عمر دمنهور مصعدت الممتاز و اللاعيبه الغرب اكتر من ولاد البلد ويريت نهدا شويه لأننا لن نصعد في خلال 10 سنوات علي الاقل اذا لم توجد خطه للصعود يتم تطبيقخا علي مراحل و شوفو الحرس و انبي وبتروجيت والجيش والشرطه في خطه فكان هناك صعود
وليد عبد اللطيف
2010/04/01
يارب رئيس النادي الجديد يجي عشان يصرف ويصعد النادي مش عشان ياخد فلوس وسلطة وشهرة وخلاص
m_elhdeny
2010/04/01
املنا فى المجلس الجديد
انس وديشا
2010/04/01
ايه الفضيحه ديه الله يفضحهم كمان وكمان المجلس الفاشل بتاع الفشخره
انس وديشا
2010/04/01
منهم لله
الأهلاوي دائما
2010/04/02
للاسف الاداره وخصوصا مجدي فشخره بايع المطش
الأهلاوي دائما
2010/04/02
قولتلك يا حدو هنتغلبوا قولتلي هنكسب عشان تسمع كلامي بعد كده
الأهلاوي دائما
2010/04/02
اتكيفت اكتر يعني ايه
m_elhdeny
2010/04/03
يعنى خلاص الواحد مكنش متوقع الهزيمة اصلا فما بالك بالخمسة