هل الزواج سهلاً ام صعباً ؟, طيب والشقه والوظيفه والمرتب ؟

2006/08/19

منتدى للرجال فقط

الفهد الشرس
2 تعليق
مش هتتجوز بأه يا عم ولا ايه ؟
... يا ريت يكون بكره الجواز يا عم بس هو فين الفلوس الوظيفه والمرتب والشقه والشبكه واديك عارف الدهب باه بكام اليومين دول والجهاز وتشطيب الشقه وحماتى عاوزة شقه 5 أوض وصالتين وصالونين وحمامين ومطبخين ومنور هجيب كل ده منين بأه بالله عليك

يا عم بسيطه ما تشتغل وتحوش !!ّ

ههههه ضحكتنى يا خويا اشتغل مين بس هو فين الشغل ده بس , ده حماتى عاوزانى اشتغل بمرتب 4000 جنيه فى الشهر وانا على ادى وبشتغل بـ 500 جنيه بس وحاطط cv فى كل حته بس النصيب مش عاوز ييجى اعمل ايه طيب

طبعاً ده كان حوار طبيعى بيحصل كتير اوى فى ايامنا دلوأتى لأن كل حماة عاوزة تعييش بنتها فى احسن حاجه وطبعاً تتجوز عريس غنى حتى ولو كان مش بيحبها ولا هى بتحبه
والأصول والروتين وكل عريسش ييجى يتجوز يشيل هم الدنيا والآخره هل ده صح هل ده طبيعى ولا ايه انا معرفش ...؟
فيا ريت اسمع رأيكم يا شباب فى الموضوع ده والبنات برده تقول رأيها
الجواز صعب ولا سهل ؟ وايه مواصفات شريك العمر او شريكة العمر ؟
قائد جيوش الشمال
2006/08/19
والله هو صعب ومش صعب

صعب لما ربنا يرزق العريس بناس مش هاممهم غيرالفلوس والشقة ونسو امر الرسول بمن

يرضو اخلاقه


اقسم لكم بالله انا اختى تزوجت من ابن عمى ابى ماسأله ايه هاتجيبه ابى سأله احنا هانجيب ايه

للشقة بتاعكم

والحمد لله رزقنا الله بشاب صالح ونافع

ده رايى ان المفروض الناس تخاللى عندها نظرة تدين واحدة للموضوع ده بالذات لان ايه فايدة الفلوس لما يكون العريس سكرى و بلطجى

وجزاكم الله خيرا
الفهد الشرس
2006/08/19
شكرا اخى على المرور وشكرا على ابداء رايك