دروس تعليم الرسم على الزجاج عندما يذوب الضوء عشقاً فى الألوان

2006/08/21
بسم الله الرحمن الرحيم

السلام عليكم ورحمة الله
أهلا بيكم........ حقا عندما يذوب الضوء عشقاً فى الألوان . ويطيب للضوء المكوث
لأطول فترة ممكنة من الزمن مأثورا مشدوها بسحر الأبداع.........................
فى درسنا هذا سنتعلم بأسهل إسلوب كيف نرسم على الزجاج والمرآيا والسيراميك
نربط الأحزمة...............يــــــلاا نطير..................... يـــــــــــــــتلاا بينا

أولا الأدوات :

ده بقى أسمه انبوبة الرليف....... أو سائل التحديد وزى ما أحنا شايفين منه اللون الأسود والذهبى والفضى والرصاصى وجميع الألوان..........



وده بقى يا عم الحج أسمه البترون. يعنى عبارة عن الرسم الى سيادتك عايز ترسمه على الزجاج
إذاى يا خال؟؟؟ سيادتك تروح لبائع الزجاج وتديله مقاسات اللوحة بتاعتك ويقطعلهالك وترجع البيت تحط الرسمة الى عندك ( الباترون) تحت الزجاج وتظبطه قوى وتثبته من الخلف على الزجاج بالشريط الأصق عشان ما يتحركش ويبوظلك الدنيا........ بقى عندك ايه دلوقتى ؟
قطعة زجاج تحتها الرسمة . وطبعا شايفها .أبدأ حدد الرسم بأنبوبة التحديد ( الريليف)
خلى أديك وهيا بتضغط على الأنبوب متزنة و عمودية بقدر الأمكان وخلى خيط السائل
يكون إندفاعه مستمر وهوا خارج من الأنبوب......بعد لما تنتهى حتلاقى عندك الرسم
بقى على الزجاج بالرليف ... شيل الرسمة من تحت الزجاج .خلاص مش عايزينها
وأبدأ لون وإستمتع ......... أزاى ؟؟؟؟؟؟؟؟؟؟؟؟ أقولك


دى يا عم الريس الوان الرسم على الزجاج ..... ووتشبه لها بالظبط ألوان السيراميك وعلىفكرة
نقدر نرسم بألوان السيراميك على الزجاج .........وبألوان الزجاج على السيراميك . أنا بأعمل كده
من زمان . وتقدر ترسم على طقم شاى او طبق صينى أو سيراميك الحمام..زى ماتحب

طقم فرش رسم مقاسات مختلفة . وكمان قطارة . وقطعة
إسفنج...... عيدان خلة . فرشة أسنان وخلافه . أى حاجة تعمل تآثيرات فى ملمس الألوان ز وده
من أساليب المحترفين ....... لازم تكون جريىء وواثق أنك فنان ومبدع ..........................
دلوقتى بقى عنك الألوان والفرش وخلافه .مستنى أيه .. يالاا ورينا الفن.................
ضع اللون فى بالته ذات العيون التى تستخدم فى الرسم بالألوان المائية أو لون فى طبق خزفى
صغير فى حجم طبق فنجان القهوة.. خف الألوان بالتنر أو السبرتو .......وخلى بالك أن فيه ألوان
بتتخف بالماء لازم تبقى عارف وأنت بتشترى . ألوان تتخف بالماء ولاا بالتنر أو السبرتو . ولا البياع يدبسك ويبعلك ندعة مخفف فى برطمان بالشيىء الفلانى.خليك واعى......... قبل ما تبدأ
عايز أقولك لو اللوحة زجاج نضع الرسم أسفلها ونحدد بالرليف . طيب لو مرآيا ...........
نحطها على وش المرآيا ونكربنهم . يعنى فرخ كربون فى الوسط ونمشى بالقلم الرصاص
على حدود الرسم . فيطبع على وجه المرآيا .وبعد كده تفوت عليه تانى بس بسائل التحديد
الى هوا الريليف............ اظن أنا ماشى معاك تاتا تاتا . عشان ما تقلش حارمك من حاجة
نعيش بقى مع الجمال والأبداع
طقم الشاى الىي قلتلك عليه
فازة ورد سواء كانت زجاج او خزف...... كله شغال عندنا

لوحة جمالية تعلق على الحائط ..أو على زجاج شبالك
على زجاج شباك
طقم كاسات ما كنش ملون . أضفنا له لمسة جمالية
زمان كنا بنعمل عملية صعبة ودقيقة لحفرمثل هذا الرسم بتسليط عليه تيار من الرمل المضغوط. ودلوقتى بقى حفر ليزر. حدد الرسم
وروح للراجل خليه يحفرهالك باليزر .......
نفس الشيىء كما سبقه












البترون بتاع الصورة


خلى بالك ان ألوان النوافذ تكون شفافة لينفذ منها أكبر قدر من الضوء




رسم على طبق زجاج أوخزف..ألوان زجاج . أو ألوان سيراميك........




فى ألوان تعطى تأثير الأصداف والأحجار الكريمة
والحصى والرخام.وتأثيرات براقة رائعة الجمال








لو فيه اى سؤال أنا تحت أمركم ...... ولو فيه جديد سوف أضيفه لكم بإذن الله
أرجو أن يعجبكم الموضوع ويكون الشرح سهل ......
ندى الصباح
2006/08/21
ما شاء الله

رسم رائع ومتقن ..

والرسم على الزجاج فن راقى وصعب فى نفس الوقت

سلمت يداك مبدعنا على الموضوع الجميل

كون بخير
جمال على
2006/08/21
بسم الله الرحمن الرحيم
السلام عليكم ورحمة الله

شكراً ندى الصباح....... شكراً اجمل فراشة.......... بارك الله فيكى
أحمد الله أن الموضوع اعجبك.......ولكى تحياتى ......
LightStar
2006/08/21
الرسم علي الزجاج
بياخد وقت
انما النتيجة بتشفيك من اي حاجة
تسلم اخي جمال
سلمت يداك
علي هذا الفن الاجمل من الجمال
جمال على
2006/08/24
بسم الله الرحمن الرحيم
السلام عليكم ورحمة الله

شكراً لايت ستار ملكة جمال الفراشات . وأميرة الحكايات . بارك الله فيكى صغيرتى
وتقبلى تحياتى......................................
جمال على
2006/09/10
بسم الله الرحمن الرحيم
السلام عليكم ورحمة الله
تسلم أخى عمرو بارك الله فيك ................ أحمد الله أن أعجبك الموضوع
صور جميلة
2006/09/11
الحمد لله ...
و لاكن الموضوع ما عبنيش لوحدى ؟... لا بل عجب جميع اسرة المنتدى الكرام
و الحم الله ع كل شيئ
و منتظرين مواضيعك يا جمال
اخوك (عمرو البرنس)
مهندس عبد المنعم
2007/01/15
ما شاء الله لاقوة الا بالله ..
بالفعل امتعتنا أخ جمال بدرسك الجذاب ، الذي اكسبنا المعرفة والمهارة المطبقة في هذا الرسم على الزجاج ..
جزاك الله كل خير ، ووفقكم الى ما يحبه ويرضاه ..
تحيااااااتي
جمال على
2007/01/16
بسم الله الرحمن الرحيم
السلام عليكم ورحمة الله
الأخ العزيز الباش مهندس عبد المنعم .... شاكر جداً تشريفك. الذى ذاد الصفحة
تألقاً وبهاء . بارك الله فيك . وسعيد أن أعجبك الدرس..... فائق إحترامى
homa
2008/03/22
بسم الله ماشاء الله الله يباركلك

esam ali
2008/04/21
ممتع وغاية فى الجمال تسلم ايديك وروحك والوانك
المتميز2000
2008/06/22
شكرا اخوي سويت فيني خير ادور عليها
om elkher
2008/06/24
انا مشكلتي اني مش بعرف احدد كويس بالريليف شوية الخط يطلع رفيع و شوية يطلع تخين حاسة ان الموضوع صعب.اولولي اظبطو ازاي.
magicsoft
2008/08/07
تسلم يا أخي على هذا العمل الرائع المتميز و بارك فيك.
اميرةالرومانسية
2008/09/02
هااااااااااااااااااي
شغل رائع لكن عندي سؤال ممكن؟
جمال على
2008/11/24
بسم الله الرحمن الرحيم
السلام عليكم ورحمة الله
اشكركم جميعا على مروركم الذى يسعدنى كثيرا .
ولولا ضيق الوقت عندى لكان ردى أليكم فردا فردا بأسمه .
----------------------------
فيه أخت بتقول أنها لا تستطيع ضبط سائل الرليف .
أختنا هذه طريق جماليزم ( نسبة الى أسلوب جمال على الفنى والفكرى )
أعجنى بعض الدقيق أو صلصال او المربة أو اى شيىء
قريب من كثافة سائل التحديد وضعيه فى سرنجو حقنة أو قرطاس ودربى نفسك على
التحكم فى الضغط مع سرعة اليد حتى تضبط معاكى . او ضحى بأنبوبين أو 3 من الرليف
للتدريب فى لوحة زجاج خارجية وأمسحى ما تصنعينه وأعملى غيره .
الحكاية عبارة عن حساسية فى اليد والتحكم العصبى الحركى بين تركيز العقل ورؤية العين
وحركة ضغط اليد على الأنبوب . وبعد التدريب سيكون الأمر يسير جدا الى درجةالضحك
كيف كان هذا اللأمر اليسير الممتع صعب فى بدايته.......امسكى أنبوب الرليف بحركة مائلة قليلا
وقربيه من سطح الزجاج أو السيراميك وأرسمى الشكل فى مخيلتك وحددى من أين تبدئين
حتى تكونى على علم بنقطة البداية والنهاية وحركة خطوط الرسم .هذا سيجعلك أكثر أنطلاقا
وخفة فى الحركة ..
------------------------------------------------
فيه أخت سالت عن البترون .أنا لا أعرف أين يباع . لكن ما يعرفه جمال على هوا أن اى رسم زخرفى ترينه يصلح للرسم على الزجاج . مثل باقة من الورود أو طائر جميل . حولى تكبيره
بطريقة المربعات مثل ما شرحت فى موضوعى تعلم رسم جدارية بطريقة الجماليزم .
وحددى الخطوط الخارجية والداخلية المحددة للشكل وكربنى الرسم على المراية أو ضعيف
أسفل قطعة الزجاج وحدديه بالرليف ولما يتم جفافه أبدئى لونى وأستمتعى بالرسم وعالم الألوان.
-------------------------------------------
أختنا أميرة الرومانسية . ليتكى سألتى مباشرة كنت جاوبتك الآن .
فأنا لا أعرف ظروف عملى وأقامتى بعيدة عن الأنتر نت .وربما تغيبت عنكم شهرين أو3
--------------
شكرالكم والى الملتقى بأذن الله .
ماسيليا
2009/02/28
انا بدي صور ادا ممكن عشان استخرجها و ارسمها ادا كان ممكن وشكرا للكل
يسمينة2009
2009/05/09
السلام عليكم ياعشاق الفن الجميل
شكرا على هده الرسمات الرائعة والتفاصيل الدقيقة
شخصي اهوى الرسم ومنكم اتعلم ان شاء الله شكرا
يسمينة2009
2009/05/13
سلام الله عليك اخي جمال
سررت بخطابك وهدا تواضع منك اخي شكرا لك
الرسم نعمة من عند الله يمكن لاي فرد ان يرسم ولكن ولكن الموهبة لمن يشاء..الرسم احاسيس تنبع من داخل الانسان.
اخي جمال اريد ان ارسم على التوب ومعرفتي بالصباغة قليلة هل تزودني بانواع الصباغة والله يجازيك خيرا .
رسمة بعض اللوحات من الزجاج متواضعة والحمد لله بعتها وارغب في ان اتعلم اكتر وان ارىالجديدمنك اخي المحترم جمال.
عادل سلامه
2009/06/20
تسلم الايد اللى عملت الحاجات الحلوة دى
بسكوته @
2010/02/24
بجد موضوع حلو وشدني علشان كنت في زخرفه وعملت كل دا واشكرك وانتظر المزيد :wilted_ro: