دمنهور اعلن انه اضعف من اضعف فريق في الدوري

2008/10/22

منتدى نادى العاب دمنهور

أمير الشباسي
21 تعليق
خسر دمنهور من كفر الشيخ في مباره سيئة جدا لم نري فيها اي شكل للخطوره علي مرمي كفر الشيخ الا من تسديده يتميه من سيد عبد العال من خارج المنطقه وبالعكس كانت الهجمات الخطره لكفر الشيخ واستطاع احراز هدفه الاول في الدقيقه 23 من الشوط الاول بسبب خروج غير موفق من حارس المرمي ريشه وتعاطف الحكم كثيرا طوال المباره مع العاب دمنهور حتي انه الغي هدف صحيح في الشوط الثاني لكفر الشيخ لينتهي اللقاء 1-0 لكفر الشيخ
اعتاد دمنهور ان يفرح ويحزن مع دمياط فخسر دمياط ايضا بهزيمه ثقيله من مياه البحيره 5-3
خسر المنصوره من سماد ابو قير في الاسكندريه 3-1
فازت سموحه في الاسكندريه علي السنبلاوين 2-0
فازت نبروه علي الحمام في نبروه 2-0
تعادلت الزرقا مع بلديه المحله في الزرقا 1-1
تعادل الحناوي مع طلخا في طلخا 1-1
باقي مباره كفر الزيات والكروم ولم اسمعها في النهايه وان كانت كفر الزيات متقدمه اثناء المباره

وسنكتب ان شاء الله الترتيب والنقاط عقب سماع نتيجه كفر الزيات والكروم
أمير الشباسي
2008/10/22
الماليه فازت 3-1 علي الكروم
saleh20152000
2008/10/22
واحســــــــــــــــــــــــــــــــــــــرتــــــــــــــــــــــــــــــــــــــــــــــــــــاه علي دمياط و دمنهور
أمير الشباسي
2008/10/22
يا رباطه احنا لازم ناخد موقف من الفريق ده وما حدش يروح وراه السنبلاوين يشجعه ولو حد عاوز يروح ضروري يبقي يقعد مع مدرجات السنبلاوين وما يشجعشي
أمير الشباسي
2008/10/22
علي فكره مياه البحيره كانت مغلوبه اتنين صفر في الشوط الاول وحطت جون في نهايه الشوط الاول
وفي الشوط التاني بدعوا ودخلوا اربع اهداف
هي ده الفرقه الي ما تتاثرش لما يدخل فيها جونين علشان معاهم مدرب واعي اسمه احمد عاشور بياخد الفين جنيه من شركه المياه مش خمستاشر الف جنيه زي واحد كدا بدون ذكر اسماء وبيخلينا نتغلب من طوب الارض
عقرب
2008/10/22
اههههههههههههههههههههههههههههههههههههههههههههههههههه يا بلد
الأهلاوي دائما
2008/10/22
اولا كده انا بحترم فريق الميه ده احترام كبير جدا وانا قلت من زمان اننا نروح نشجعه من زمان محدش سمع كلامي اما فرقتنا دي فدي فرقه وس...... وده اقل تعبير لاعيبه وس..... ومدرب أوس...... الله يخربيتك يا ايمن يا منصور ع اليوم اللي انت جيت فيه دمنهور كان يوم اسود يا راجل بوظط الفرقه وخربتها مش ناقص انك تهبطنا والله يا ايمن احنا كده هنلعب ع الهبوط معاك مش ع الصعود كفر الشيخ اللي كانت الاخيره بقي معاها 6 بنط واحنا معانا 8 يبقي ع الهبوط ياعم روح بقي ومتقرفناش بقي هبطت شبراخيت يعيني والسكه كرشتك حتي الزمالك فسحك ده عمرو زكي ضربك بالقلم جي تستقوي وتتشتطر علي الغلابه الشيخ اشرف خميس والحسيني وكرم الشرقاوي ارحمنا بقي انت ولاعندك فكر ولا عندك شكل لعب عمال بتخترع وبتوظف اللاعيبه مش في اماكنها ومقتنع بلاعيبه متنفعش تلعب كوره في الزريبه مع البهايم يعني في مطش كفر الشيخ عمرو الحسيني شل وكفر الجمهور لا عارف يستلم ولا عارف يدافع ولا عارف يباصي ولا عارف يعرض كوره ولا عارف يهاجم شلنا والله وانت سايبه يعكننا ولا اكنك شايفه يا راجل ارحمنا بقي وتروح مغير كل التغيرات ومتطلعوش وتنزلي وفيق الباك الشمال ونلعبهولي باك يمين يا عم ارحمنا بقي احنا زهقنا احنا هنلاقيها منك ولا من مجدي فشخره ولا اللاعيبه ياعم امشي وان شاء يجبولنا يسري يدرب الفرقه والله ع الاقل بيفهم وهيرحمنا من القرف بتاعك وقلبه ع البلد بجد لو في دم متقعدش في دمنهور لحظه بذمتك انت لك نفس تشتغل في دمنهور تاني بعد القرف ده والله انا زهقت وقرفت والجمهور كله كده امشي وهات العرجاوي ياعم مجدي بلا ايمن منصور بلا عفت بلا ربيع والله يامجدي يا عطيه لو انت راجل جدع ومحترم تقدم استقالتك من النادي بلا نادي بلا بتاع ياراجل انت راجل مش فاضي ده الاتحاد المصري عارض عليك تمسك عضو في اتحاد الكوره ياعم روح وريحنا وسيب الفاضي والاصلح يشتغل ده انا معبي منكم تعبيه جامده وكلنا كده
m_elhdeny
2008/10/22
بس بعد الماتش اية ولعتت تم تكسير زجاج غرفة خلع الملابس لفريقنا العظيمكلو والطوب كان نازل على اللاعيبة زى المطر وقبل انتهاء المباراة كانت الشتيمة وتشجيع فريق كفر الشيخ هما السائدين انا عن نفسى قمت بالواجب وبعد الماتش وتكسير الازاز بتاع غرف اللاعيبة الامن طلع يجرى ورانا وتم الاحتفال خارج الملعب بضرب الصاروخ اليتيم اللى كان معانا
الأهلاوي دائما
2008/10/22
مشكووووووووووور يا ميرو ع المجهود الرائع ده
وربنا معانا احنا ودمياط
m_elhdeny
2008/10/22
وحياة ربنا فاتك نص عمرك ياشريف دى كان مهزلة اللاعيبة اتحدفت طوب لما قالت كفاية واى حاجة تلاقيها هناك اتكسرت دة غير الامن اللى كان بيجرى
الأهلاوي دائما
2008/10/23
ههههههههههههههههههههههههه
ياعم دي فرقه حرام فيها الضرب
علي راي المثل الضرب في الميت حرام
الأهلاوي دائما
2008/10/23
استفدوا ايه انتم بعد كل ده
ولا حاجه
الأهلاوي دائما
2008/10/23
ده اللي انتم فالحين فيه انما حاجه غير كده مفيش بس حلوه الصاروخ اليتيم ده
أمير الشباسي
2008/10/23
والله فاتني نص عمري اني ما اتفرجتش علي الي حصل بعد الماتش
يارتني ما حضرتش الماتش وحضرت بعد الماتش لاني سمعت ان الي حصل بعد الماتش اسخن واحلي من الي حصل جوه الماتش
dam
2008/10/24
انا سمعت ان لاعب محترم شتم الجمهور اثناء الشغب ال حصل يا ترى مين هو علشان يتادب ويعرف ان الدمهرة مش بيتشتوااااااااااااااااااااااااا
الأهلاوي دائما
2008/10/24
ههههههههههههههههههههههههههههه
ابقي قابلني
dam
2008/10/24
فين ياض اقولك عند بيت مجدى فشخرة ى قصدى مجدى عطية نتقابل هناك ونمسكوا شوية طوب نحدفوة ونكسروا قزاز بيتة وال يكسر اكتر هو الكسبان
الأهلاوي دائما
2008/10/25
ههههههههههههههههه
ده تحت بيته اجنس عربيات ده انت هتودينا في داهيه
m_elhdeny
2008/10/25
اللاعيب اللى شتم الجمهور شتيمة قذرة هوة رقم 17 وهوة حساااااااااااااام خلييييييييييل
abo3ssal
2008/10/25
الهاف العالمى الذى لايستطيع فعل شئ سوى التحسيس على الكوره فقط
لا تــــــــــــــــــــــــــعليــــــــــــــــــــــــق
الأهلاوي دائما
2008/10/25
ده لاعيب فاشل فاشل فاشل