للاسف قابل واحد لمؤاخذه رِخم

2008/12/01
الموضوع كوميدى بعض الشئ
واحد ولهان وبيحب فقابله واحد رخم وسمع منه الكلام وبدا الرخم يعلق على الكلام.
تعليق الرخم بين اقواس
اسمعو بقه قصدى اقراءو
بدا الحبيب يتغزل حبيبته فقال
.....................

انتى ايتها الملاك فانتى حياتى ومن غيرك لا انام.
ملاك ايه ياعم هو فيه ملايكه على الارض انت بتهرج ولا ايه"
وبعدين من غيرها ماتنمش دا انت بتنام وبتشخر كمان"

فا انا من غيرك لاشئ لا احد فانتى كل شئ.
"ههههه هى كل حاجه على كده انت زى كيس الجوافه لمؤاخذه"

فا انا اتمنى الموت دونك.
" والله كداب دا لو خيروك وقالولك لوعشت معاها هتموت ومن غيرها هتعيش
دا انت هتشوطها من اعلى عماره من عماير الباشمهندس حازم وتخلص منها"

فاانا لا استطيع العيش من دونك.
"ماتقدرش تعيش من غيرها ليه انت بتحب فى ميه ولا ايه ولا فى فول؟"

انا لا استطيع تخيل الحياه من دونك.
" كداب دى الطبيعه جميله هقلك على مكان جميل ممكن يساعدك
فى التخيل مكان عند البور سعيدى ايو عمك ريحان عنده مكان
جنه بورفؤاد شوفتها قبل كده ولا ..لا روح هناك وانت هتنسى
الدنيا مش حببتك"

فانتى اروع زهره فى اعظم بستان.
"لا سبتنى يا جدع طب هش النحل ولا دبان ده؟ اللى حوليها!!!"

فانتى شمسآ.
"حاسب حاسب احسن تحرقك"

وانتى قمرآ لا اعرف كيف اصل اليكِ.
"يعنى هى دى المشكله اعملها سوبرمان ماستغرب ليه شخصيه خياليه يعنى اللى انت بتقوله دة مش خيال يعم
فوتها بقه خلاص خلاص اركبلها صاروخ"

فجمالك لا يطاق فانتى فوق الخيال.
"لا يطاق تلاقيها وحشه اوى وعمله زى السلعوه هههههه"

يا حبيبتى هل تسمعينى
لقد ضاع صوتى من كثره نداءِ.
"عشان صوتك واطى ازاى هتسمعك وبعدين انت تاعب نفسك ليه
ابعتلها مسدكول على الموبيل يا بخيل!"

لقد تعبت عينى من كثره البكاء.
"هتخلينى اعيط كده يلا روح يا حبيبى حط اطره لعينك تلاقيها حمره
من كتر العياط دا فعلا لو كنت بتعيط هههه."

فهل تسمعينى.
"اسكت اسكت ايو اسكت تلاقيها طرشه
ايه دة ياعم تلاقيك بتحب فى واحده عندها شلل اطفال
روح روح وشد حالك"
SOME_ONE_ELSE
2008/12/01
ههههههههههههههههه
بوظت معنى الرومانسيه
و ضيعت الصوره اللى فى خيالى
بس زى ما عودتنا ديما
بمواضيع منفرده
زى العسل مورا
و معلش اصل النت كان فيه عطل بس اتصلح الحمد لله
تقبل مرورى و سلامى
لك منى ارق تحيه
Mora Adam
2008/12/01
ههههههههههههههههه
بوظت معنى الرومانسيه
و ضيعت الصوره اللى فى خيالى
بس زى ما عودتنا ديما
بمواضيع منفرده
زى العسل مورا
و معلش اصل النت كان فيه عطل بس اتصلح الحمد لله
تقبل مرورى و سلامى
لك منى ارق تحيه

انا قلت اغير شويا اصل الكل بيتكلم عن الرومانسيه.
وبعدين مافيش حاجه لو عملنا موضوع خمسه فرفشه صح
وحمدلله على السلامه لكى اكبر سلام للعوده يا سيدتى الغاليه
فراشة بورسعيد
2008/12/01
كان نفسى أعرف عن شخصيتك كمان وكمان من خلال كتاباتك، وكونك مقل بعض الشئ،،
الا أننى أحس<<عمرو>> صديقى من خلال تطلعاته واطلاعاته،،
عموما" النوعية التى كتبت فيها هذه الخاطرة،، هو نوع من أنواع النصوص الأدبية ، وفنا" من فنونه،،
برع فيه كبار كأمثال كامل الشناوى رحمه الله،،
وحتى لاأطيل عليك،،
فقط اطلع على الموضوعات المثبتة أعلى صفحة المنتدى الأدبى .....لتتأكد...،،
جميلة ياعمرو //،،
وبصمة روحك طالعة منها ،،
تحياتى...
Mora Adam
2008/12/01
كان نفسى أعرف عن شخصيتك كمان وكمان من خلال كتاباتك، وكونك مقل بعض الشئ،،
الا أننى أحس<<عمرو>> صديقى من خلال تطلعاته واطلاعاته،،
عموما" النوعية التى كتبت فيها هذه الخاطرة،، هو نوع من أنواع النصوص الأدبية ، وفنا" من فنونه،،
برع فيه كبار كأمثال كامل الشناوى رحمه الله،،
وحتى لاأطيل عليك،،
فقط اطلع على الموضوعات المثبتة أعلى صفحة المنتدى الأدبى .....لتتأكد...،،
جميلة ياعمرو //،،
وبصمة روحك طالعة منها ،،
تحياتى...

من النصوص الادبيه ولا من الصوص الادبيه
ههههههههه
عايز تعرف شخصيتى ادخل على مواضيعى الادبيه انا ليا 3 مواضيع
انا دلوقتى مش بكتب عشان والله انا مشغول وقلقان من الدراسه مش اكتر
همسة&amp;
2008/12/02
هههههههههههههههههههههههه
حلوووووووووووووووووووووة
التغيير حلو بردوا .......
بس الراجل دا كان فعلا رخم!!
تسلم ايدك جميلة قوى وجديدة
no_wonder
2008/12/02
ده غلسسسسسسس بجد
بس تعرف اكيد غيران منك
معلش ياعم
تبقى ترميه من اعلى عمارة من عمارات الباشمهندس حازم
بس لون جديد وجميل اوى
عجبنى جدا جدا
لك منى اجمل وارق سلام
يا فنان
Mora Adam
2008/12/03
هههههههههههههههههههههههه
حلوووووووووووووووووووووة
التغيير حلو بردوا .......
بس الراجل دا كان فعلا رخم!!
تسلم ايدك جميلة قوى وجديدة
.............................
الحمد لله ان الموضوع اعجبكم
الراجل من تاليفى يعنى ممكن اكون انا الرخم
ههههههههه
شكرآ اوى يا منى على المرور الجميل دة
Mora Adam
2008/12/03
ده غلسسسسسسس بجد
بس تعرف اكيد غيران منك
معلش ياعم
تبقى ترميه من اعلى عمارة من عمارات الباشمهندس حازم
بس لون جديد وجميل اوى
عجبنى جدا جدا
لك منى اجمل وارق سلام
يا فنان

.............................
وحشانى اوى والله فعلآ المنتدى كان ناقص
من غيركم انتى واختك.....
انا قلت اغير شويا واخلى الناس تتضحك حبه
ارجو ان الموضوع انال اعجابك
مرسى اوى للمرور العطر دة .
وعوده حميده بأذن الله
شذا&amp;
2008/12/03
موضوع حلو ولطيف
سلمت يداك
Mora Adam
2008/12/03
موضوع حلو ولطيف
سلمت يداك

مرسى على مرورك الجميل ده
تقبلى تحياتى شذااااااوى